LAOAG CITY – Nakumpiskaren ti Bureau of Internal Revenue (BIR) ti 19 a lugan dagiti Discaya kalpasan daytoy nga iparuk-at ti Bureau of Customs (BOC).
Manipud iti nasao a bilang ket 15 ditoy ket manarimaan nga under constructive distraint wenno legal nga addang ti Bureau of Internal Revenue tapno mapreserbar wenno ma-secure dagiti sanikua kabayatan a maiwaywayat ti imbestigasion ken naammoan a nakarehistro iti nagan da Pacifico F. Discaya II ken Cezarah Rowena Discaya.
Naammoan a ti uppat a dadduma pay a lugan ket subject to constructive seizure gapu iti maipagarup a tax assessment kontra iti St. Gerrard Construction General Contractor & Development Corporation.
Maipalagip a nangipila ti Bureau of Internal Revenue ti criminal tax cases iti Department of Justice (DOJ) idi 2025 mainaig iti P7.18-B tax liabilities dagiti Discaya ken P998-M a tax liability met manipud iti St. Gerrard Construction General Contractor & Development Corporation.
