LAOAG CITY – Ipatungpal ti Bureau of Internal Revenue (BIR) ken ti Presidential Anti-Organized Crime Commission (PAOCC) ti advanced technology kas ti data ken blockchain analytics tapno mapapigsa ti tax compliance dagiti online sellers.
Inbatad ni Bureau of Internal Revenue Commissioner Charlito Mendoza nga iti laeng kallabes ket nakipagkita kadagiti opisyal ti Presidential Anti-Organized Crime Commission tapno pagsasaritaan ti ngumatngato a tax noncompliance iti digital space, pakairamanan ti online selling ken emerging payment channels.
Malaksid iti panagkolektar ti withholding tax manipod kadagiti online sellers, mangipataw pay ti Bureau of Internal Revenue ti 12 percent value-added tax iti digital services.
Inbatad ni Mendoza a babaen iti nasao nga addang ket maprotehiran ti mapastrek ti gobierno ken makatulung a mangipasigurado iti panagtungpal dagiti taxpayers kadagiti obligasyon da.
