Naiyalud-od ti pannakaipatungpal ti ceasefire iti abagatan ti Kherson region iti gagem a makaibiyahe kadagiti taraon ken agas iti ciudad ti Oleshky iti Ukraine a tagtagikwaen ti Russia.
Rinibo a residente ti napupuk iti uneg ti ciudad nga awan a pulosen ti supply da a taraon, danom ken uray ti kuryente.
Naamoan nga iti bangir ti rehiyon ket isu ti ayan ti Dnipro river idinto a ti bangir ket adda dagiti Russian forces, ken amin a kalsada iti lugar ket napeggad.
Nupay kasta, awan pay ti nalabsing iti katulagan sipud nangrugi a naipatungpal daytoy.
Iti babaen ti katulagan, iti pannakaipatungpal ti ceasefire ket maikkan ti gundaway ti pannakaideliber ti humanitarian aid iti ciudad ti Oleshky ken maipatungpal ti panagbakwit para kadagiti kayatna ti maibakwit iti lugar.
Mapatta-patta nga umabot pay ti 1,700 agingga ti 2,000 a tattao ti nagtalinaed iti ciudad ti Oleshky.
