LAOAG CITY – Agpadan nga immannugot ti Israel ken ti grupo nga Hezbollah iti maysa a ceasefire iti Lebanon basar iti maysa nga opisial ti Estados Unidos kalpasan ti sabali manen a rinnupak.
Nangrugi ti pannakaipatungpal ti ceasefire agarup alas-4:00 idi malem kalman iti Lebanon.
Nagbalin a napateg ti papel dagiti negosyador manipud iti Estados Unidos ken Qatar iti panangbukel ti katulagan iti tulong metten ti Iran.
Maipalagip a sakbay ti katulagan, nangiwayat manen ti rinnupak iti nagbaetan ti dua a grupo no sadinno a 18 nga indibidual ti natay kadagiti airstrike iti Lebanon idinto nga uppat a suldado nga Israeli ti napapatay kadagiti opensiba nga inaramid ti Hezbollah.
Immuna iti daytoy, kagiddan ti tension iti Lebanon, nakanselar ti naikeddeng a panagsinnarita ti Estados Unidos ken Iran iti Switzerland.
