LAOAG CITY – Mangnamnama ti Syria iti pannakaituloy a negosasionda iti Israel para iti maysa a security deal tapno mapagtalaw dagiti pwersa ti Israel iti teritorioda.
Ginutigot ni Syrian Foreign Minister Asaad al-Shaibani ti Israel a gundawayanda ti diplomasia, ngem inpettengna nga unaen ti prayoridad ti Damascus ken pannakaipasardeng kadagiti panagatake ti Tel Aviv.
Iti agdama, manarimaan ti panangipatungpal ti presensia ti pwersa ti Israel iti paset ti abagatan a laud ti Syria kalpasan ti panagleppas ti panangidaulo ni Assad idi tawen 2024.
Mainaig iti daytoy, kimmaro ti tension kalpasan ti panangbomba ti military ti Israel iti Abu al-Duhur airbase gapu iti alegasion a maipagarup aramaten daytoy ti Turkey, no sadinno ket naiget a naglikudan daytoy ti gobierno ti Syria.
Segun ken ni Shaibani, no pay addan ti napalabas a katulagan mainaig kadagiti buffer zone iti salinong ti United Nations, maipagarup likliklikan ti Israel a suruten ti nasao a katulagan.
Kabayatanna iti baet ti kinaawan ti pammatida iti Israel, namnamaen ni Damascus nga agbalin a positibo ti panang-ipit ti Estados Unidos para iti nasao a negosasion.
