LAOAG CITY – Natay ti 11 nga indibidual kalpasan ti panagatake ti Israel iti abagatan a paset ti Lebanon no sadinno a daytoy ket maibilang kas deadliest attack manipud idi naanunsio ti katulagan ken panagkissay kadagiti panagatake idi Hunio.
Inbatad ti Lebanon prime minister a 7 ti natay iti panagatake idiat Ansar ti distrito ti Nabatieh a pakairamanan pay ti 3 nga ubbing ken 2 a babbai.
Mainaig iti daytoy, sabali pay a panagatake ti naiyuswat iti siudad ti Deir al-Zahrani a nakatayan ti 5 nga indibidual.
Basar met kadagiti tropa ti Israel nga inatakeda ti Hezbollah terror infrastructure a sungbat ti kas nailadawan nga aksion kontra kadagiti soldado.
Kinuna met dagiti otoridad a natamaan ti Ansar no sadinno a ditoy nga agnanaed dagiti indibiual nga awan pamiliana.
Kabayatanna, kinondenar met ni Lebanon Prime Minister Nawaf Salam a dagiti panagatake ket nakatayan ti sumagmamano a sibilian ken saan dagitoy a military infrastructure.
