LAOAG CITY – Innikaten ti United States ti Syria iti listaan dagiti state sponsors ti terrorism kalpasan ti 47 a tawen.
Segun ken ni United States Secretary of State Marco Rubio a ti pannakaikkat ti Syria ket panangbigbig iti gobierno ti Syria iti panagdistansiada iti aniaman a terrorismo.
Malaksid iti Syria, karaman pay a naikkat iti listaan ti US global terrorist organization ti Hayat Tahrir al-Sham (HTS).
Ti Hayat Tahrir al-Sham wenno adadda nga amammo kas al-Nusra Front ket affiliate ti al-Qaeda iti Syria.
Kabayatanna, binigbig pay ti Trump administration ti addang ti baro a lider ti Syria a ni Ahmed al-Sharaa iti panaglabanna kontra iti terrorismo.
Gapu iti daytoy, mamati ni United States Treasury Secretary Scott Bessent a ti nasao nga pannakaikat ti Syria iti listaan ket makatulong tapno mapapigsa ti ekonomiya ti Syria.
