LAOAG CITY – Nasdaaw dagiti pulis idiay North Carolina, U.S.A. kalpasan ti pannakakitada ti dua a lalaki nga agbibiahe iti kalsada usar ti maysa a sofa a naiparabaw iti dua nga electric scooter.
Segun iti Charlotte-Mecklenburg Police Department, naidumduma nga eksena ti naimatanganda idiay S. Tryon Street idi nakitada ti maysa a sofa nga inaramid dagiti dua a lalaki nga improvised vehicle.
No man pay binigbig dagiti otoridad ti naidumduma a behikulo, binalakadanda ti publiko nga unaen ti kinatalged sakbay a padasen dagiti kastoy a lugan.
