LAOAG CITY – Naikeddeng a dumalan ti gobierno ti public-private partnership (PPP) arrangements ti 9 nga airport ken 3 a kangrunaan a railway project sakbay malpas ti termino ni Presidente Ferdinand Marcos Jr. iti Hunio 2028.
Segun ken ni Transportation Secretary Vince Dizon, paset daytoy ti ikagumaan ti administrasion a leppasen dagiti naitantan nga infrastructure project ken papintasen ti sistema ti transportasion iti pagilian.
Umunan nga inlungalong ti nagkaykaysa a public-private partnership (PPP) para kadagiti airport iti Davao, Siargao ken Bicol a manamanama a maipaay iti umuna a quarter iti 2027.
Nagisumitir ti unsolicited proposal ti grupo a mangmanmanehar iti Clark International Airport para iti panangpadur-as ken operasion iti tallo nga airport.
Target pay nga ipadalan ti public-private partnership (PPP) ti Iloilo Airport iti umuna nga 6 a bulan ti 2027, sumaruno dagiti airport iti Bacolod, Puerto Prinscesa, Busuanga, General Santos ken Tacloban.











