Inanunsio ti Malacañang ti baro a panagbalbaliw iti puesto ti dua nga ahensia ti gobierno no sadinno agsinnukat ti akem da Department of Transportation (DOTr) Acting Secretary Giovanni Lopez ken Department of Public Works and Highways (DPWH) Secretary Vince Dizon.
Iti babaen ti nadakamat a panagsukat ti puesto, agsubli ni Dizon tapno isauloan ti Department of Transportation (DOTr) kalpasan a nagserbi daytoy iti Department of Public Works and Highways (DPWH), kabayatan a ni Lopez ti opisial a mangidaulo ti Department of Public Works and Highways (DPWH).
Basar iti anunsio manipud iti Palasio, gagemna daytoy nga agbalin nga al-alisto ken ad-adda nga epektibo ti panangipatungpal kadagiti nasional a proyekto a pang-imprastraktura ken mass transportation ti Marcos administration iti babaen ti pannubok ti kabaelan ken panagsanay ti dua a sekretario.
Sakbay iti daytoy, nagserbi ni Dizon kas Presidente ken Chief Executive Officer ti Bases Conversion and Development Authority (BCDA) ken nagbalin a Presidential Adviser for COVID-19 Response idi Duterte administration.
