LAOAG CITY – Inakusaran ni Atty. Paolo Panelo, pannakangiwat ni Vice President Sara Duterte, ti Marcos administrasion ti maipagarup a panagusar kadagiti institusion ti gobierno iti panangpolitika a panangtingiting.
Kasaruno daytoy dagiti rakurak ti National Bureau of Investigation (NBI) mainaig kadagiti maibagbaga a pagsasabalyan kadagiti sanikua nga indeklerar ti Bise Presidente iti Statement of Assets, Liabilities, and Net Worth wenno SALN-na.
Segun ken ni Panelo, inparuk-at ni National Bureau of Investigastion Melvin Matibag iti media dagiti resulta ti imbestigasion a saan a partikular nga inpakaammo ken ni Duterte dagiti alegasion ken inpaayan ti gundaway a sumungbat.
Kwinestionaranna pay ti panang-turn over ti report iti Office of the Ombudman imbes nga ipaayan ti Bise Presidente ti gundaway a direkta a sungbatan dagitoy.
Malaksid iti daytoy, kwinestionaran ni Panelo ti rason ti saan a panangiraman ti prosekusion dagiti naduktalan ti imbestigasion ti National Bureau of Investigation iti impeachment trial no sadinno mabalin a matingiting ken kontraen ti depensa dagiti ebidensia.
Mainaig iti daytoy, naiget a naglikudan ni Duterte, babaen ti pannakangiwatna, dagiti alegasion a saan nga umno a panangideklerar ti sanikya.
Inpaganetget ni Panelo nga umno ken pudno nga indeklerar ti Bise Presidente ken nakasagana daytoy a paneknekan dagitoy iti impeachment trial wenno iti Ombudsman no man maipaayan daytoy ti pormal nga abiso.
