LAOAG CITY – Agtultuloy ti pannakikoordinaar ti Department of Transportation (DOTr) iti Metropolitan Manila Development Authority (MMDA) tapno masigurado ti natalged ken ti agtultuloy nga operasion ti EDSA Busway.
Segun ken ni DOTr Secretary Vince Dizon, kiniddawnan ti pannakaipaalisto ti pannakaiyallokar ti pondo para iti pannakamentenar ken ti pannakaiplastar dagiti pasilidad iti EDSA Busway.
Mainaig iti daytoy, kabayatan nga awan pay ti nakaiyallokar a budget, rinugianen ti ahensia ti panangiplastar dagiti saanen a maususar nga elevator ken escalator tapno mapaalisto ti panagbiahe dagiti pasahero, partikular kadagiti senior citizen, persons with disability ken dagiti dadduma pay a commuter a kasapolanna dagiti nasao a pasilidad.











