LAOAG CITY – Kinanselar ni United States President Donald Trump ti planona a panagatake kasukat iti mabiit a katulganda iti Iran.
Iti maysa a Truth Social post-na, inbatad ni US President Trump a kinasarita daytoy ti Iran ken dagiti dadduma pay a pagilian iti Middle East nga ipasardeng na pay laeng ti aniaman a panagatake ti Amerika.
Daytoy ket kalpasan ti palano ti Amerika ken Israel a mangiwayat ti naigiget a panagatake kontra iti Iran.
Kabayatanna, naglikudan met ti semi-official Mehr news agency ti Iran a kinasarita ti Tehran ni Trump nga isardengna pay laeng ti panagatakeda.
Immunan iti daytoy, binallaagan ti United States Government dagiti Amerikano nga agnanaed idiay Middle East nga agbalin nga alerto ken agtalawdan iti nasao a pagilian bayat ti manarimaan a planoda a naiget a panagatake iti Iran.
