Manamnama nga umabot iti 1.25 milyon a pasahero ti agdudupudop iti Ninoy Aquino International Airport (NAIA) para iti obserbasyon ti Undas agingga intono Nobyembre 4.
Segun iti New NAIA Infra Corp. (NNIC), possible nga intono Oktubre 30 ti kaadoan ti pasahero iti erupuerto ken namnamaen nga umabot iti 149,000 a biyahero ti dumalan iti terminal.
Tapno masiguro iti naannayas ken seguridad, maiwaras iti kanayunan a pulis kadagiti entrance ti terminal, parking areas, ken dadduma pay a lugar a pagluganan ken pagbabaan dagiti pasahero.
Maideploy iti kanayunan a traffic marshals ken maimuntar dagiti shuttle service iti nagbabaetan dagiti terminal tapno naurnos a maiproseso ti panagdudupudop dagiti sumangpet ken pumanaw a biyahero.
Malaksid ti pannaki-koordinar kadagiti otoridad iti kalsada ken panagtutunos iti operasyon dagiti taxi, madutukan iti kanayunan a puwersa kadagiti checkpoint ken standby technical team para iti napaspas a panagresponde iti aniaman a pasilidad iti airport.
Kabayatanna, inpakaammo met iti Civil Aviation Authority of the Philippines (CAAP), a nasapa da pinagsagana dagiti masakupan da nga erupuerto.
