Rinugyanen ti Department of Trade and Industry ti agmonitor iti presyo dagiti kandela ken sabsabong kangrunaan a mailaklako para iti Undas.
Daytoy ti inbatad ni Ms. Amelia Galvez, Director it Department of Trade and Industry ditoy ciudad ti Laoag.
Kunana a babaen iti naiget a panagmonitor da ket maliklikan nga adda dagiti possible nga agipangato unay ti presyo dagiti nasao a produkto a ti kangrunaan a maapektaran ken kakaasi ket dagiti consumers.
Nupay kasta, inpalagip ni Galvez a dagiti kandila a magatang kadagiti grocery ken department store ket adda ti naikeddeng a Suggested Retail Price na, ngem no dagiti mailakon iti asideg dagiti kamposanto ket namnamaen a nangin-ngina ken saanen a sakupen ti Department of Trade and Industry.
