Inpasingked ti Department of Trade and Industry (DTI) nga awan ti pagbaliwan ti presyo ti 204 a kangrunaan a magatgatang ken prime commodities agingga iti Disyembre 31 ita a tawen.
Inbatad ni Trade Secretary Cristina Roque a daytoy ti napagtutulagan dagiti manufacturers ken retailers.
Karaman kadagiti produkto a sakopen ti suggested retail price (SRP) ti Department of Trade and Industry ti sardinas, gatas, kape, tinapay, instant noodles, asin, bottled water, detergent, laundry soap, kandila, luncheon meat, meat loaf, corned beef, beef loaf, condiments, sabon a pagdigos ken baterya.
Naglikudan met ti ahensya dagiti report maipanggep ti panic buying ti bottled water gapu iti panagamak iti epekto ti El Niño.
Kabayatanna, nangiparuk-at ti Department of Trade and Industry ti abiso maipanggep iti presto dagiti produkto a pang-Noche Buena sakbay ti paskua idinto nga agtultuloy ti pannakikoordinar na iti pribado a sektor.
