Kalikagum ni Presidential Communications Office (PCO) Secretary Lino Cayetano nga ad-adda nga iyasideg ti ahensia kadagiti umili tapno ad-adda a mailawlawag dagiti programa ken panagbalbaliw ti gobierno.
Segun ken ni Cayetano, kalikagum ni Presidente Ferdinand R. Marcos Jr. ti ad-adu nga opisial ti Gabinete ti direkta a makisarita kadagiti umuli, agdengngeg kadagiti kasapulanda, ken mangipatungpal dagiti proyekto kadagiti komunidad.
Kunana pay nga agtultuloy nga iyururnos ti gobierno dagiti sistema ken prosesona iti napalabas a taween ken namnamaen a makita dagiti resulta inton sumarsaruno a bulan.
Malaksid iti daytoy, gagemda pay a papigsaen ti relasion ti Presidential Communication Office (PCO) ken ti media tapno ad-adda a mailawlawag iti publiko dagiti programa ken reporma ti gobierno.
Ginutigit pay ni Cayetano dagiti umili a makitinnulong iti Presidential Communication Office (PCO) iti sumarsaruno a 18 a bulan tapno masigurado a nalaklaka a maawatan dagiti Pilipino dagiti impormasion ken serbisio nga iparparuk-at ti gobierno.
