LAOAG CITY – Nagpalagip ti lokal a gobierno ti ili ti Marcos babaen ken ni Mayor Antonio Mariano kadagiti umili nga agin-inot ti panagusar ti danum.
Inbatadna a no mabalin ket saan a paglapyasen ti timba ken patayen ti gripo no saan a maususar ti danum kabayatan ti panag-toothbrush.
Kinunana a malaksid dagiti mannalon ket ti Bureau of Fire Protection ti maysa a prayoridadda a matulungan maipanggep ti panagkurkurang ti danum.
Segun ken ni Mariano, masapol nga agan-annad dagiti umili tapnu maliklikan ti uram nangruna ket napudot ti panawen a maysa kadagiti posible a rason ti panagtaud ti uram.
