LAOAG CITY – Inpasigurado ti Malacañang ti umdas a pondo ti gobierno tapno ituloy ti panangibunong ti libre a bagas agingga inton malpas ti tawen.
Basar ken ni Executive Secretary Ralph Recto nga adda P57.87 billion a pondo ita a tawen para iti Local Government Support Fund (LGSF) nga usaren iti programa.
Mainaig iti daytoy, sangapulo a kilo ti bagas ti maawat dagiti benepisiario iti kada dua a bulan.
Kuna ni Recto a nalawag ti bilin ni Presidente Ferdinand Marcos Jr. nga awan pamilia a Pilipino ti rumbeng nga agbisin.
Inbatadna a mabalin a magundawayan pay dagiti mannalon gapu ta isu ti paggatangan ti gobierno ti bagas nga ipaay.
Kabayatanna, binalakadanda dagiti lokal a gobierno a kumpletoen ti requirements tapno insigida a mairuar ti pondo a nailatang kadagiti proyektoda.
