LAOAG CITY – Nakita iti publiko ni Pope Leo XIV itay bigat, Oktubre 18, iti St. Peter’s Square idiay Vatican City kalpasan ti balligi nga operasionna iti lung cancer.
Daytoy ti kaunaan a gundaway a simmango ti Santo Papa iti publiko sipud idi rimuar daytoy iti Rome’s Gamelli Hospital idi Sabado.
Mainaig iti daytoy nagyaman ni Pope Leo XIV kadagiti nangikararag kenkuana para iti alisto a panagimbagna.
Kabayatanna, immunan nga inlawlawag ti doktor ni Pope Leo XIV a “fit to travel” ti Santo Papa para iti naikeddeng a papal voyage-na intono Nobiembre 6 agingga 17 iti daytoy a tawen idiay Uruguay, Argentina ken Peru – dagiti pagilian nga immuna a nagserbian ni Pope Leo XIV kas missionary.
