LAOAG CITY – Inpakaammo ni Brgy. Chairman Glenda R. Raquinio iti Brgy. 34-A Gabu Norte West ditoy siudad ti Laoag ti natalna a pannakaselebrar ti undas ken babaen iti panagsursur dagiti barangay tanod ket awan met dagiti naitugot a ramit a maipawil iti kamposanto iti Gabu.
Tapno masigurado nga awan ti aniaman a mapasamak nga insidente, napagsasaritaan dagiti kapitan ken kapulisan a bantayan a nalaing iti kamposanto ken nagtalinaed dagitoy iti kamposanto agingga nga awan ti tao.
Mainaig iti daytoy, kabinnulig da iti panagbantay ti nagduduma nga opisina ti siudad ken nagduduma a barangay kas ti Brgy. 34-A Gabu Norte, Brgy. 34-Gabu Sur, Brgy. 43 Cavit, Brgy. 44 Zamboanga ken dadduma pay.
Malaksid iti daytoy, nalawag met iti kamposanto gapu ta tinawen a pananginstolar ti Ilocos Norte Electric Cooperative, Inc (INEC) dagiti bombilya.
