LAOAG CITY – Inadmitir ti aktor ken social media personality a ni Nikko Natividad nga iti baet dagiti isem na ket adda ti karit ti mental health na.
Iti maysa a Facebook post, inburay na ti ladawan ti pamiliana kabayatan ti panag-grocery-da kageddan ti panangibutaktak na ti marikrikna na.
Mainaig iti daytoy, kunana a dandanin ag-surrender iti mapaspasaran na uray no saan pay nga ammo no ana ti umno a marikrikna na.
Iti baet daytoy, nayaman ni Nikko iti Apo a kunana nga iso ti mangbaybayabay kenkuana.
Kabayatanna, ado a netizens ti nangipaay ti mensahe tapno mapatibker ti nakem ni Nikko.
