LAOAG CITY – Naisayangkat ti World Prevention Day event iti Tomas Morato Avenue idiay Quezon City, ita nga aldaw, Setiembre 20 no sadinno sumurok 400 a participants ti nakipaset babaen iti maysa a fun run.
Ti aktibidad ket inorganisar ti Department of Health-Metro Manila Center for Health Development (DOH-MMCHD) ken iti Quezon City Local Government Unit.
Gagemna daytoy nga aktibidad ti panangburak ti stigma mainaig iti mental health ken panangpalawa ti support services para kadagiti Filipino iti pagilian.
Babaen ti global theme a “Changing the Narrative on Suicide: Start the Conversation,” ti inisiatibo ket ti panagbirok ti wagas tapno buraken ti culture of silence iti suicide ken manggutigot ti open, compassionate a dialogue.
Basar iti World Health Organization (WHO), sumurok 720,000 nga indibidual ti matmatay iti suicide kada tawen iti sangalubongan.
