Nagballaag manen ti Department of Health (DOH) iti publiko a saan a balewalaen dagiti sintomas ti dengue kalpasan ti panagngato ti bilang dagiti makapkaptan ti sakit a maala iti kagat ti lamok.
Karaman dagiti sintomas ket ti panaggurigor, panagsakit ti bagi wenno dagiti susuop, panagkapsot, panag-vomit, panagdara ti agong ken maaddaan kadagiti litem iti bagi.
Segun iti Department of Health, napateg ti nasapa a panagpakonsultar iti health center wenno health facility tapno maliklikan ti nakaro a komplikasyon a mabalin a mangitunda ti pannakatay.
Ginutigot met ti ahensya ti publiko a suruten ti 4Ts a pakairamanan ti “taob, taktak, tuyo ken takip” tapno maliklikan ti panagado dagiti lamok ken makatulong iti panangliklik iti dengue.
