LAOAG CITY – Nagpirma ti World Health Organization (WHO) ken ti The Lions Clubs International Foundation (LCIF) ti tallo a tawen a katulagan para iti panangipay ti mental health services idiay pagilian ti Jordan ken Nepal.
Kinunada a sumurok maysa a billion nga indibidual ti addaan ti mental health condition-na ngem ado dagiti lugar a limitado ken wan aksesna iti mental health care.
Gapu iti daytoy, babaen ti panagbinnulig dagiti dua nga ahensia, makaited daytoy ti naananay a nga impormasion maipanggep iti mental health ken makagutigot kadagiti indibidual a makaapaspasar ti problema nga agpakonsultar ken agkiddaw ti tulong.
Idiay Jordan, babaen kadaytoy nga inisiatibo ke mapalwa ti akses ti mental health care babaen ti pannakaestablisar kadagiti counselling services.
Kabayatanna, makatulong pay ti nasao nga inisatibo para iti pannakaestablisar met ti psychosocial support mental health corners iti 10 a district hospitals ken mapapigsa ti mental health awareness dagiti agtutubo idiay Nepal.
Ti nasao a katulagan ket agtultuloy agingga iti tawen 2028 no sadino ket mairekord dagiti amin a padas ken istoria dagiti pasiente iti nasao a dua a pagilian.
