LAOAG CITY – Nagballaag dagiti psychologist kontra iti holiday blues a mapaspasaran no paskua ken baro a tawen.
Ti Holiday Blues ket ti temporario a pannakarikna ti liday, anxiety, wenno stress a dumteng kabayatan ti holiday season.
Mainiag iti daytoy, inlawlawag ni Jholyan Fornillos iti Univesity of the Philippines Los Baños – Department of Social Sciences nga ado dagiti factors a mabalin a maka-contribute ti holiday blues.
Dagitoy ket pakairamanan ti grief, financial difficulties, ken social expectations.
Segun kenkuana, tapno maliklikan a mapasaran ti holiday blues, napateg a makilangen-langen ti maysa nga indibidual kadagiti tattao a makaipaay ti comfort, pannakaawat, ken emotional support.
Innayonna a napateg pay nga ipaayan ti inana ti bagbagi ken saan nga obligasion ti panagatendar ti tunggal event wenno invitation tunggal holiday season.












