Nakasagana ti Philippine National Police a tumulong iti possible nga extradition wenno pannakaiyakar ni Kingdom of Jesus Christ (KOJC) leader Pastor Apollo Quiboloy iti Estados Unidos.

Inbatad ni Police BGen. Allen Rae Co, hepe ti Public Information Office (PIO) ti Philippine National Police, a no adda ti pammilin manipod iti Korte a tulungan a maiyakar ken masecure ti panagturong ni Quiboloy iti airport keet aramiden da daytoy.

Maipalagip a nangisyu ti Makati Regional Trial Court ti extradition arrest warrant ken hold-departure para ken ni Quiboloy ken ti dua a pada na nga akusado.

Daytoy ket mainaig iti reklamo nga International human trafficking, sex trafficking, conspiracy, ken bulk cash smuggling.

Immunan nga inrakurak ti National Bureau of Investigation (NBI) a nakasagana da met a tumulong no naan-anay a maiyakar iti Estados Unidos ni Pastor Quboloy.