LAOAG CITY – Mangikeddeng ti International Criminal Court wenno ICC ti panangusig ken ni dati a Presidente Rodrigo Duterte iti sagmamaysa nga oras nga hearing blocks, nga addaan ti 30 a minuto a panaginana iti nagbaetan dagiti sesyon.
Ikonkonsiderar ti korte ti tawen ken medical condition ti dati a presidente.
Iti maikalima nga status conference idi Nobyembre 2, inbatad ni Presiding Judge Joanna Korner a tungpalen ti korte ti rekomendasyon dagiti medical expert a maiyababa ti sesyon ti panangusig iti dati a presidente.
Mangrugi ti panagdengngeg iti oras ti alas-singko ti malem, oras ditoy Pilipinas ken agleppas iti oras ti alas-onse ti rabii, karaman ti naikeddeng a panaginana.
Maipalagip nga ideklarar ti International Criminal Court idi Oktubre a fit to stand trial ni Duterte kalpasan ti panangtingiting dagiti medical experts ti kabaelan na a mangawat kadagiti huwes, denggen dagiti ebidensya ken makikoordinar kadagiti abogado na.
Nupay kasta, mabalin pay a mabaliwan ti eskedyul kabayatan ti panagtultuloy ti trial.
Sumangsango ni Duterte ti tallo a bilang ti crimes against humanity mainaig iti maipagarop a pammapatay ken gandat a panangpatay iti babaen ti war on drugs sipud idi Nobyembre 2011 agingga iti Marso 2019.
Naikeddeng a mangrugi ti Nakatakdang trial intono Nobyembre 30.
