LAOAG CITY -Impakaammo ti Department of Foreign Affairs (DFA) nga agarup 80 a porsiento ti nakumpleton ti Southeast Asian nations ken China a negosasion iti mailunglungalong a Code of Conduct (COC) iti West Philippine Sea, sumagmamano nga aldaw sakbay ti ASEAN Summit.
Segun ken ni Department of Foreign Affairs (DFA) Secretary Ma. Theresa Lazaro, a nakatulong ti panagbalin a chair ti Pilipinas ti ASEAN Summit.
Mainaig iti daytoy, gapu iti panangidaulo ti Pilipinas ket napaalisto ti panagkompleto ti Code of Conduct.
Nupay kasta, adda dagiti nabati pay a sumagmamano a dokumento a kasapolan a rebisaren.
Ti nasao a lungalong ket mangipaay ti pagalagadan tapno maliklikan ti aniaman a panagsakop iti South China Sea ken maliklikan ti aniaman a riribok a pakairamanan ti kaalyado ti Pilipinas nga Estados Unidos.
