LAOAG CITY – Inawat ni Bureau of Internal Revenue (BIR) Commissioner Charlito Martin R. Mendoza ti baro a responsibilidad na kas mangidaulo ti Bureau of Customs (BOC) kalpasan a dinutokan daytoy ni Presidente Ferdinand R. Marcos Jr.
Iti maysa nga opisial a rakurak, nagyaman ni Mendoza iti presidente iti inpaay na a talek kasta payen kadagiti empleado ti Bureau of Internal Revenue (BIR) a nakadwana iti panangitandudo ti long-term digital transformation ti ahensia iti napalabas a tawen.
Mainaig iti daytoy, ginutigotna dagiti opisial ken empleado ti Bureau of Internal Revenue (BIR) ti sibubukel a suporta da iti baro a mangidaulo ti ahensia a ni Commissioner Rolando T. Ligon, Jr. tapno mangituloy kadagiti modernized project kagiddan ti panagyamanna ken ni Finance Secretary Frederick D. Go iti panagbayabayna kadaytoy.
Kabayatanna, binigbig met ni Mendoza dagiti reporma a rinugianan ni Commissioner Ariel F. Nepomuceno iti Bureau of Customs (BOC) ken nagkari ti panangituloy ken panangipalawana kadagiti narugian nga addang ti ahensia.
