Nagsapatan ti baro a parliamento ti Israel, kabayatan a ti mangidaulo ti oposisyon a ni Gadi Eisenkot ket kalikagom na a mapadisi iti pwesto ni Prime Minister Benjamin Netanyahu.
Ti dati nga army chief ket nabilin a mangbukel ti baro a gobierno kalpasan a nakaawat ti ado a rekomendasyon manipod kadagiti miembro ti Knesset no ikompara ken ni Netanyahu, ngem saan nga amin a nangsuporta kenkuana ket nakasagana nga agkaykaysa a mangidaulo.
Maipalagip a ti uppat a bloc ti partido ni Eisenkot ket nangabak ti 48 a tugaw iti napalabas nga eleksyon idi Oktubre idinto a 53 ken ni Netanyahu.
Naikkan ni Eisenkot ti 28 nga aldaw tapno mangbukel ti koalisyon, ngem no saanna a kabaelan ket possible a maipaayan pay ti dua a lawas a pawayway.
Agarop kagudua ti dagiti baro a nabotosan nga agpanpanday ket saan a nagserbi iti napalabas a parliamento, no sadinno a ti Arab-led parties ti kaadoan ti nakaala ti tugaw.
Mainaig iti daytoy, kalpasan ti panagsapata, nagballaag da Netanyahu and Eisenkot iti parliamento mainaig iti dakkel a risgo ti panangsuporta ti gobierno nga idaulwan ti sabali.
