Inrakurak ni Bombo International News Correspondent Elvie Aviador iti Israel nga awan ti panagdudua nga agtalinaed latta iti pwesto ni veteran Prime Minister Benjamin Netanyahu.
Inbatad na a nupay saan pay a nalpas ti pannabilang dagiti botos iti manarimaan nga eleksyon ti pagilian ket makitan ti dakkel a pangitarayan ni Netanyahu iti kalaban na a dati a military chief a ni Gadi Eisenkot.
Segun kenkuana, ad-ado paylaeng dagiti mangayat ken ni Netanyahu gapu ta napaneknekanen ti napintas a panagserbina ken sigurado ti kinatalged dagiti umili no adda ti mapasamak a gubat iti pagilian da.
Kuna ni Aviador a maibasar iti nakalap na nga impormasyon, ni Eisenkot ket maysa nga Arab-Israeli no sadinno a no mapagasatan a mangabak ket nawayan dagiti Arab kas kadagiti Palestino a sumrek iti Israel, banag a saan a kayat a mapasamak ti kaadoan nga Israelis.
Manamnama a maiwaragawag ti pinal ken opisyal a resulta ti eleksyon iti Israel intono Nobyembre 4 ita a tawen.
