Saan pay a mainaganan no siasinno ti nangabak iti nagbaetan da Prime Minister Benjamin Netanyahu ken ti kangrunaan a kinalaban na a dati a military chief a ni Gadi Eisenkot para iti position ti kina-prime minister iti agdama nga Israel elections basar iti resulta ti exit polls ita a Miyerkules, Oktubre 28.
Nupay am-amwen paylaeng ti opisyal a resulta ti eleksiyon, nairekord ita a tawen ti kangatoan a voter turnouts sipud pay idi 1999.
Basar iti pakpakauna a resulta, arigna namnamaen ti panagbagsak ti biang ni Netanyahu manipod iti 68 a pwesto iti napalabas a Knesset iti 50 a pwesto laengen, idinto a nakaala met ti 52 a pwesto ti bloke ni Eisenkot, ken nakairekord ti 18 a pwesto iti Arab parties.
Kasapulan ti 61 a puwesto manipod iti pakabuklan a 120 a tugaw iti Knesset tapno maestablisar a nagballigi ti nasao a partido iti posisyon.
