LAOAG CITY – Impanamnama ti Department of Agriculture ti kinaadda ti suplay ti bagas ken kadagiti dadduma pay nga agricultural products agingga iti panagleppas ti Super El Niño.
Segun ken ni Agriculture spokesperson Assistant Secretary Arnel De Mesa a gapu iti nasao a phenomenom manamnama a maawanan ti agarup 700,000 a metriko tonelada ti bagas ti pagilian.
Gapu iti daytoy, agtultuloy ti local production babaen iti National Food Authority (NFA) ken ti agtultuloy a direkta a panaggatangda kadagiti apit nga irik dagiti mannalon.
