Nagpannawagan ti Samahang Industriya ng Agrikultura (SINAG) iti Malacañang nga insigida nga isuspenso ti panagangkat ti karne a baboy ken ingato ti taripa kadagiti imported a produkto.
Segun ken ni Samahang Industriya ng Agrikultura (SINAG) Executive Director Jayson Cainglet, nangipilan ti Department of Agriculture (DA) pomal a lungalong iti Tariff Commission tapno maipatungpal ti pannakaingato ti taripa iti baboy.
Inlawlawag ni Cainglet a gapu ta Executive Order ti Presidente ti nangpababa kadagiti taripa, kabaelan met ti Palasyo nga ipanagto manen daytoy iti baaben ti baro a pammilin.
Iti agdama a datos ti merkado, immaboten iti P50 ti nagbaetan iti presion tipresko a karne no ikumparara iti imported a karne ti baboy.
Kabayatanna, immabot met iti P80 ti nagdudumaaniti presio iti nagbaetan ti presko ken imported a limpo kadagiti pampubliko a paggatangan.
Impetteng ti grupo a kasapulan ti insigida nga aksuion ti gobierno tapno maprotehiran dagiti lokal a hog raisers manipud iti agtultuloy a pannakalugi.
