Mangisayangkat ti October Fest ti Discolandia ditoy siudad ti Laoag.
Daytoy ket maisayangkat iti mismo a Discolandia iti Barangay 1 San Lorenzo ditoy siudad ti Laoag.
Segun ken ni Prince Xian Aquino, ti Presidente ti DOMA Association ti Discolandia, gagem ti nasao nga aktibidad ti mangipaay ti ragsak ken kas wagas ti panaginana kadagiti agtrabtrabaho iti Discolandia.
Ditoy a maiyuswat ti nagduduma nga aktibidad kas koma iti Bikina Open a pakipartisiparan dagiti babbai manipud iti nagduduma a Disco iti nasao a lugar.
Mainaig iti daytoy, inbatad met ni Ms. Ariana Mosqueda, a malaksid iti Bikini Open ket adda pay koma iti Sports Fest da kas ti Basketball ken Volleyball ngem gapu ta ado dagiti inasikaso da ket saan dan nga intuloy daytoy.
Impasigurado na ti kinatalged dagiti mapan agbuya babaen ti koordinasion da iti barangay ken ti Philippine National Police (PNP) Laoag nga agbantay to iti nasao nga aktibidad.
Kabayatanna, gutgutigoten na dagiti umili nga agbuya iti nasao nga aktibidad tapno adadda a mapapigsa ken mapasayaat ti pannakilangenlangen ti tunggal maysa iti lugar.
