Nasugatan ti dua a kameng ti Philippine Coast Guard iti maysa nga aksidente ti panagbettak iti Zamboanga City idi Oktubre 24.
Inbatad ti Philippine Coast Guard a napasamak ti insidente ti alas-10:39 ti rabii iti Oktubre 24 iti barracks ti Explosive Ordnance Disposal Unit – Southwestern Mindanao (EODU-SWM) iti uneg ti Port Police Compound, Zamboanga City International Pier iti paset ti Corcuera Street sa Port Area ti siudad.
Naamoan nga agsagsagana para iti Explosive Ordnance Reconnaissance Agent (EORA) Training ti personnel sakbay ti insidente.
Gapu iti daytoy, naitaray iti Ciudad Medical Hospital ti dua a kameng ti PCG ken agtultuloy ti pannakatamingda.
Inpasigurado met ti Coast Guard iti publiko nga ti insidente ket awan pakainaiganna ti aniaman a terrorist activity.
Kabayatanna, agtultuloy ti imbestigasion ti Philippine Coast Guard ti insidente.
