LAOAG CITY – Inaprubaran ti Sanguniang bayan iti ili ti Sarrat iti maika-dua a pannakaibasana ti Budget ti lokal a gobierno para iti tawen 2027.
Segun ken ni Vice Mayor Remigio Medrano, umabot iti P209 million pesos ti pakabukelan a gatad ti budget ti lokal a gobierno para iti sumaruno a tawen, no sadinno ket ngimmato daytoy ti 10 a porsiento kumparar iti naaprubaran a budget ti nasao nga ili iti tawen 2026.
Inpakaammona a ti kadakkelana nga inyallokaran ti lokal a gobierno para iti tawen 2027 ket iti sektor ti salun-at ken iti agrikultura gaputa dagitoy a sektor ti masansan a makapaspasar iti nagduduma a karit aglalo iti manamnama nga epekto ti Super El Nino.
Kinunana pay a ti rason ti panagngato ti pondo iti ili ti Sarrat ket gapu iti panangngato ti mapaspastrekanen ti nasao nga ili.
