LAOAG CITY –Inbatad ni House Speaker Faustino “Bojie” Dy III, a dengdenggen ti Kongreso dagiti problema dagiti mannalon ken ad-adda a papigsaenda dagiti gakat para iti suporta ken proteksion ti sektor ti agrikultura.
Iti babaen ti maikalima a LegisHear, nakisarsarita ni House Speaker DY III kadagiti mannalon tapno maamoan dagiti kanayonan a tulong ken proteksion a kasapulanda manipud iti gobierno.
Impetteng ti Speaker a kasapulan a patas iti intero a pagilian ti tulong para kadagiti mannalon a kunana a napateg para iti food security ken ekonomiya.
