Naidasar iti Senado ti maipagarup a maysa a trilyon a posos a gatad dagiti alokasion iti nailungalong a 2027 national budget ken naawagan kas ‘red flags’ ti People’s Budget Coalition.
Iti panagdengngeg ti Senate Finance Committee kadwa dagiti Civil Society Organizations, inbatad ni coalition co-convenor AJ Montesa a pakairamanan ditoy ti P210 bilyon a soft pork, P695 bilyon a hard pork, ken P112 bilyon a shadow pork wenno unprogrammed appropriations.
Mainaig iti daytoy, ikonkonektar ti grupo ti soft port kadagiti ayuda a saan a maipagarup a nakadepende iti patronage, idinto a ti hard pork ket dagiti proyekto nga imprastraktura a mabalin a maipagarup nga adda impluwensia dagiti poliitko.
Segun ken ni Montesa, mangipay dagiti nasao ng alokasion ti panagdanag gapu ta mabalin nga ad-adda a mapaboran ti interes dagiti politiko ngem iti kasapulan ti publiko.
