Kinumpirmaran ni P/Cpt. Ashley Clyner Cacayorin, a tultulang ti tao ti nakali iti uneg ti Sta. Monica Church iti kallabes.
Segun kenkuana, iti eksaminasyon ti forensic unit iti Ilocos Sur ket naduktalan babaen ti dentures a paset ti panga ti tulang.
Mainaig iti daytoy, kunana nga awan ti kabaelan ti forensic unit a mangduktal no mano a tawenen dagiti tultulang ngem makita da laeng no daytoy ket aggapo ti tao wenno ti dingwen.
Maipalagip a nadiskubre dagiti agtrabtrabaho iti simbaan dagiti tulang no sadinno a personal a nagturong dagiti foreman iti kwerpo ti pulisya tapno i-report dagiti nakalida iti uneg ti Sta. Monica Church.
Nakali dagiti tultulang manipud iti pagserrekan agingga iti pagruaran iti uneg ti simbaan nga addaan ti kauneg a sangapulo a kadapan.
