LAOAG CITY – Naibalud ti founder ti ‘cockroach’ protest movement ti India a ni Abhijeet Dipke sakbay ti naikeddeng a tignay protesta iti sentro ti pagilian.
Kalpasan daytoy, nagbalaag dagiti pulis kontra iti tignay protesta ita nga aldaw ti Biernes, Oktubre 16 no sadinno rinibu a security personnel ti nai-deploy iti siudad tapno lappedan ti panagtitipon.
Kiddaw ti Cockroach Janta Party (CJP), grupo nga idadauloan ni Dipke, ti resignation wenno panagikkat ti election chief ti pagilian gapu dagiti akusasion ti panangmanipular ti listaan dagiti agbotos a naglikudan met ti Election Commission ti kaso.
Mainaig iti daytoy, inallukoy ti grupo dagiti supporters a mapan iti maysa a parke iti Connaught Place, maysa a katarataran a commercial districts ti Delhi, tapno iwagayway ti bandera ti pagilian.
Gapu iti daytoy, immado ti bilang dagiti supporters a nangitunda ti pannakabalud ti sumagmamano a nagprotesta. Idinto a naarestar ni Dipke bayat ti panagruarna iti pagtaenganna ken pinuwersa nga inlugan iti lugan ti pulis.
Maipalagip a daytoyen ti maikadua a daras a naibalud ni Dipke.
