Inwaragawag ti Malacañang a nasapa pay unay ti panawagan ni Senate Minority Leader Alan Peter Cayetano kadagiti padana a senador a pagkedkedan ti possible a panangidiaya ti panagbalin a bise presidente no ma-impeach ni Vice Presidente Sara Duterte.
Daytoy ket gapu ta saan pay a nalpas ti panangusig ken saan pay naidatag ti kampo ni Duterte dagiti ebisensia da.
Kuna ti Palasyo, a rumbeng a respetaren ti Office of the Vice President ken bay-an a malpas ti proseso.
Malaksid iti daytoy, kalikagum ni Presidente Ferdinand Marcos Jr. a masurot ti due process sakbay a trataren ti possible a panagsukat iti bise presidente.
Inpetteng na pay a saan a rumbeng nga unaan ni Senador Cayetano ti agbalin a desision ti Presidente wenno diktaran dagiti padana a senador.
Nangiparuk-at ti rakurak ni Cayetano kalpasan nga inbatad ni Senate President Francis Escudero a saan na nga awaten no bilang maidiaya kenkuana ti pwesto a bise presidente no addan man ti pannaka-impeach ni Duterte gapu ta daytoy ket senator-judge iti impeachment trial.
