LAOAG CITY – Dinepensaan ti Malacañang ti pannakadutok ti maysa a Gen Z ‘jet-setter’ kas komisyon ti urban poor kalpasan ti panangbabalaw ti publiko.
Maipalagip nga idi laeng Lunes, nagsapata iti puesto ni Zofia Canlas kas baro a komisyoner ti Presidential Commision for the Urban Poor (PCUP), daytoy ket maysa a nangato a posision a mangprotehir iti isyu ti makan ken pabahay iti nasao a sektor.
Mainaig iti daytoy, nakaala daytoy ti sumagmamano a reaksion iti publiko, no sadinno a binabalaw dagiti netizen dagiti ladawan ni Canlas a mangipakpakita ti lifestyle-na a nakasuot kadagiti agkakangina a bado ken ti panagbakasionna idiay Europe ken Estados Unidos.
Mainaig iti daytoy, kunana ni Presidential Communications Undersecretary Claire Castro, a saanen a baro ni Canlas iti nasao a trabaho isut gapuna a daytoy ti nadutukan iti puesto.
Ti agtawen ti 27 a ni Canlas ket nagleppas iti De La Salle University Manila, ken nagpaidasig daytoy kas nominee ti Batang Quiapo party-list idi tawen 2025 midterm elections sakbay a nagbalin a chief-of-staff ti Presidential Commission for the Urban Poor idi Hulio 2025.
Basar iti website ti Office of the President, nagserbi kas assistant secretary iti Office of the Executive Secretary ti ama ni Zofia Canlas a ni Jose Marcell Canlas.
