LAOAG CITY – Respetaren ti Malacañang ti aniaman nga agbalin a desision ti Korte Suprema iti petition of Certiorari a naipila pakaseknan ti desision dagiti senator-judges iti voting threshold iti Conviction ti impeachment case ni VP Sara Duterte.
Segun ken ni Usec. Atty. Claire Castro, ti desision ti Supreme Court ket maibilang a jurisprudence a masapol a tungpalen ken respetaren, saan laeng nga ita ngem para iti masangoanan ken iti sumarsaruno a henerasion malaksid laeng no maabandunar wenno agbaliw daytoy.
Inlawlawagna pay a ti Executive ket saan a paset iti nasao a kaso ken masapol a respetaren aniaman ti agbalin a resultana daytoy.
Kabayatanna, inbatad ni Usec. Claire Castro a masapol a paneknekan dagiti siasinno man a mangakakusar no adda man, ti alegasionda a pannakiballaet ti administrasion iti impeachment case.
Kinunana a dagitoy ket mabalin nga intriga laeng a mangted ti negatibo nga impresion iti publiko.
