LAOAG CITY – Agtultuloy ti panangiyammo ken panangitandudo dagiti nagduduma a produkto iti ili ti Pinili babaen ti Pasalubong Center.
Ditoy makita no kasano a matulungan dagiti lokal a micro, small, and medium enterprises (MSMEs) babaen ti panangitampok wenno panangilako dagiti produkto da manipud kadagiti naiimas a produkto ken taraon agingga kadagiti accessories ket dadduma pay.
Segun ken ni Mayor Rommel Labasan, agawat da pay ti kanayonan a lokal a micro, small, and medium enterprises (MSMEs), negosiante, artisans, ken producers a kayatan da a mai-display dagiti bukod a produkto iti iti Pinili Pasalubong Center.
Kunanga itultuloy da nga ibangbangon ti espasio a mangiyasideg kadagiti produkto nga inaramid ti Pinili, kadagiti umili ken bisita kabayatan iti panangpataud iti adu pay a gundaway para kadagiti lokal a negosiante.
Innayon na a naaramid ti Pasalubong Center tapno makita iti kinabaknang ti ili babaen kadagiti produkto nga inaramid dagiti residente.












