Kiniddaw ni Davao City 1st District Rep. Paolo “Pulong” Duterte ken ni National Bureau of Investigation (NBI) direktor Melvin Matibag ti panag-inhibit na iti imbestigasyon kadagiti alegasyon a korapsiyon kontra iti pamilya Duterte nga inbutaktak ti dati pulis a ni Rodulfo Gracioso Jr.
Inbatad ni Rep. Duterte a kuwestiyonable ti panagbalin a patas ni Matibag kalpasan nga inladawan na nga arigna pudno dagiti alegasyon ni Gracioso kabayatan nga agtultuloy paylaeng ti imbestigasyon.
Inpetteng na pay a saan a naipaayan ti kopya ti affidavit sakbay a naipublikar daytoy.
Karaman kadagiti alegasyon ni Gracioso ti maipagarop a panangitulodna ti binilyon a pisos a cash kadagiti maleta ken dagiti regalo kada Vice President Sara Duterte ken dadduma pay a miembro ti pamilya, iti maipagarop a pammilin ni dati nga House Speaker Lord Allan Velasco.
Dinakamay pay ni Pulong dagiti maipagarop nga immuna a kritisismo ni Matibag kontra iti bise presidente a rason ti panangkswetyunar na iti panagbalin nga obhetibo.
Immunan a nagpila ti kongresista ti libel ken cyberlibel complaints kontra ken nni Matibag ken dadduma pay a personalidad.
Ti kaso ket naiyakar iti regional prosecutor kalpasan a kiniddaw ni Matibag nga ag-inhibit ti Davao City prosecutor gapu ta maipagarop nga adda ti pakainaigan na iti pamilya.
