LAOAG CITY – Inbatad ni Laoag City Mayor James Bryan Alcid a paset iti Phase 2 iti proyekto iti lokal a gobierno dagiti manarimaan ti pannaka-install dagiti baro nga solar lights ditoy suidad.
Basar ken ni Alcid a mangrugi ti Phase 2 iti paset ti Rizal Street, Paco Roman Street, Bypass Bridge, Ablan Avenue ken Gilbert Bridge ditoy suidad.
Kunana a daytoy ket wagas nga araramiden ti administrasionna tapno magun-od ti kalikagumda a nalawag a suidad ti Laoag.
Kabayatanna, inpakaammona a sinukatanda dagiti silaw nga adda iti Gilbert Bridge tapno agpapada wenno uniformity ken maipaayan pay ti napigpigsa a silaw dagiti motorista nga agdalyasat iti nasao a rangtay.
Inpakaamona nga awan masayang nga solar lights gapu ta amin a nasukatan a functioning wenno mayat pay laeng a mausar ken dagiti sumrek pay iti warranty ket mainstolar.
Mainaig iti daytoy, maikabil dagiti naikkat a silaw kadagiti nagduduma a barangay a nagkiddaw ti silaw ken iti paset ti kamposanto ditoy suidad.
