LAOAG CITY – Nasaripatpatan ti Philippine Coast Guard dagiti Chinese vessels iti Bajo de Masinloc wenno Scarborough Shoal kagiddan ti panangibunong ti fuel subsidy ken dagiti taraon kadagiti mangngalap a Pilipino idi Huebes, Setiembre 24.
Basar ken ni Philippine Coast Guard Spokesperson for the West Philippine Sea Admiral Jay Tarriela, nakita iti area ti maysa a People’s Liberation Army Navy (PLAN) warship, tallo a China Goast Guard vessels ken tallo a Chinese Maritime militia vessels.
Kunana pay a kinarit pay iti babaen ti radyo ti maysa a warship ti China ti eroplano ti Philippine Coast Guard (PCG) a Piper Navajo. Idinto a nagsungbat ti aircraft a mangisaysayangkat daytoy ti maysa a legal maritime patrol iti uneg ti maritime zones ti pagilian, maiyataday iti international law.
Naamoan a nangisayangkat ti Philippine Coast Guard ti panagbantay iti kabaybayan ti Bajo de Masinloc tapno maipaayan ti suporta iti agtultuloy a Kadiwa ng Bagong Bayaning Mangingisda nga idauloan ti Bureau of Fisheries and Aquatic Resources.
Nupay kasta, 35 a mangngalap a Pilipino ti nakaawat ti diesel ken dagiti taraon manipud iti Philippine Coast Guard.
