LAOAG CITY – Inbutaktak ti Kapamilya actress a ni Barbie Imperial a ti pangal-alaan na ti pigsa na kadagiti sangsangwen na a karit iti biag ket ti napudno a pammati na iti Diyos.

Iti interview ken ni Barbie, inbatad na a saan nga isuna ti klase ti tao a mapmapan iti simbaan iti kada domingo.

Nupay kasta, kunana a saanna a malipatan ti agturong iti simbaan iti aniaman nga aldaw ken oras tapno agkararag.

Innayon na a kanayun a natibker gapu ta napigsa ti pammati na iti Diyos.

Kuna pay ni Barbie nga uray ado dagiti manghushusgar kenkuan ket saanna a pulos a tutupan, imbes ket ikararagan na lattan dagitoy.